ՉԼ․ «Լիվերպուլը» 4։0 հաղթեց «Բարսելոնային» եւ երկրորդ տարին անընդմեջ եզրափակիչում է (ֆոտո)

Ֆուտբոլի եվրոպական Չեմպիոնների լիգայի կիսաեզրափակիչի պատասխան խաղում անգլիական «Լիվերպուլը» հյուրընկալեց Իսպանիայի չեմպիոն «Բարսելոնային»։ Գերմանացի Յուրգեն Կլոպի գլխավորած թիմը հաղթեց 4։0 հաշվով՝ երկրորդ տարին անընդմեջ դուրս գալով եզրափակիչ։

Արդեն 7-րդ րոպեին աչքի ընկավ բելգիացի հարձակվող Դիվոկ Օրիգին, որն առաջինը հասավ գնդակին «Լիվերպուլի» անգլիացի կիսապաշտպան Ջորդան Հենդերսոնի հարվածից եւ «Բարսելոնայի» գերմանացի դարպասապահ Մարկ-Անդրե Տեր Շտեգենի ոչ այնքան հաջող սեյվից հետո։

Երկրորդ խաղակեսում երկու րոպեում դուբլի հեղինակ դարձավ դաշտի տերերի հոլանդացի կիսապաշտպան Ժորժինյո Վեյնալդումը, որն աչքի ընկան 54-րդ եւ 56-րդ րոպեներին։ 79-րդ րոպեին դուբլ ձեւակերպեց նաեւ Օրիգին։

Հիշեցնենք, որ առաջին խաղում «Բարսելոնան» տանը հաղթել էր 3։0 հաշվով։

Եզրափակիչի երկրորդ ուղեգիրը վիճարկում են Ամստերդամի «Այաքսն» ու Լոնդոնի «Տոտենհեմը», որոնց պատասխան հանդիպումը տեղի կունենա մայիսի 8-ին։ Անգլիայում տեղի ունեցած առաջին խաղում 1։0 հաշվով հաղթել է «Այաքսը»։

Եզրափակիչը տեղի կունենա հունիսի 1-ին Մադրիդում։

Չեմպիոնների լիգա, կիսաեզրափակիչ, պատասխան խաղ

«Լիվերպուլ» (Անգլիա) – «Բարսելոնա» (Իսպանիա)՝ 4։0 (տեսանյութ), (առաջին խաղ՝ 0։3)

Դիվոկ Օրիգի, 7, 79, Ժորժինյո Վեյնալդում, 54, 56

Barcelona are behind for the first time in the #UCL this season.

Game on? pic.twitter.com/CVdnkAYScc

— UEFA Champions League (@ChampionsLeague) May 7, 2019

Who's reaching the #UCL final? pic.twitter.com/POk5a0TMv5

— UEFA Champions League (@ChampionsLeague) May 7, 2019