Ֆուտբոլի եվրոպական Չեմպիոնների լիգայի կիսաեզրափակիչի պատասխան խաղում անգլիական «Լիվերպուլը» հյուրընկալել է Իսպանիայի չեմպիոն «Բարսելոնային»։
Առաջին խաղակեսից հետո գերմանացի Յուրգեն Կլոպի գլխավորած թիմը հաղթում է նվազագույն հաշվով։
Արդեն 7-րդ րոպեին աչքի ընկավ բելգիացի հարձակվող Դիվոկ Օրիգին, որն առաջինը հասավ գնդակին «Լիվերպուլի» անգլիացի կիսապաշտպան Ջորդան Հենդերսոնի հարվածից եւ «Բարսելոնայի» գերմանացի դարպասապահ Մարկ-Անդրե Տեր Շտեգենի ոչ այնքան հաջող սեյվից հետո։
Ընդմիջում է։
Հիշեցնենք, որ առաջին խաղում «Բարսելոնան» տանը հաղթել է 3։0 հաշվով։
Եզրափակիչի երկրորդ ուղեգիրը վիճարկում են Ամստերդամի «Այաքսն» ու Լոնդոնի «Տոտենհեմը», որոնց պատասխան հանդիպումը տեղի կունենա մայիսի 8-ին։ Անգլիայում տեղի ունեցած առաջին խաղում 1։0 հաշվով հաղթել է «Այաքսը»։
Եզրափակիչը տեղի կունենա հունիսի 1-ին Մադրիդում։
Չեմպիոնների լիգա, կիսաեզրափակիչ, պատասխան խաղ, առաջին խաղակես
«Լիվերպուլ» (Անգլիա) – «Բարսելոնա» (Իսպանիա)՝ 1։0 (տեսանյութ), (առաջին խաղ՝ 0։3)
Դիվոկ Օրիգի, 7
Barcelona are behind for the first time in the #UCL this season.
— UEFA Champions League (@ChampionsLeague) May 7, 2019
Game on? pic.twitter.com/CVdnkAYScc
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։