Կարեն Խաչանովի հաղթական մեկնարկը Մադրիդում

19:10   6 մայիսի, 2019

Ռուսաստանցի թենիսիստ Կարեն Խաչանովը հաղթանակով է մեկնարկել Մադրիդի մրցաշարում։ Հայ մարզիկը մրցել է իսպանացի Խաումե Մունարի հետ եւ առավելության է հասել երեք սեթում՝ 6:4, 6:7 (5:7), 6:3։ Պայքարը տեւել է 3 ժամ 3 րոպե։

Երկրորդ շրջանում Կարեն Խաչանովի մրցակիցը կլինի մոլդովացի Ռադու Ալբոտի եւ իսպանացի Ֆերնանդո Վերդասկոյի դիմակայության հաղթողը։

Մադրիդի մրցաշարի մրցանակային հիմնադրամը 7,2 միլիոն եվրո է։ Հաղթողը հայտնի կդառնա մայիսի 12-ին։ Ֆավորիտներ Նովակ Ջոկովիչը, Ռաֆայել Նադալն ու Ռոջեր Ֆեդերերը պայքարը կսկսեն մայիսի 7-ին։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։