16-ամյա անգլիացին դարձել է Պրեմյեր լիգայում խաղացած ամենաերիտասարդ ֆուտբոլիստը

23:10   4 մայիսի, 2019

Լոնդոնի «Ֆուլհեմի» կիսապաշտպան Հարվի Էլիոտը դարձել է անգլիական Պրեմյեր լիգայում խաղացած ամենաերիտասարդ ֆուտբոլիստը, գրում է Opta-ն:

«Վուլվերհեմփթոնի» դեմ Անգլիայի առաջնության 37-րդ տուրի խաղում (0:1) անգլիացին փոխարինման է դուրս եկել 88-րդ րոպեին: Նա ռեկորդը սահմանեց 16 տարեկան 30 օրականում:

Այդ ցուցանիշով նախորդ ռեկորդը պատկանում էր «Ֆուլհեմի» նախկին պաշտպան Մեթյու Բրիգսին, որը 2007-ի մայիսին Պրեմյեր լիգայում նորամուտը նշել էր 16 տարեկան 68 օրականում:

Հարվի Էլիոտը «Ֆուլհեմի» սան է: Այս մրցաշրջանում նա մասնակցել է գավաթային մեկ խաղի, որտեղ հանդես է եկել 9 րոպե:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։