«Ռեալը» համաձայնության է հասել «Տոտենհեմի» կիսապաշտպանի հետ

17:23   1 մայիսի, 2019

Մադրիդի «Ռեալը» բանակցել է Լոնդոնի «Տոտենհեմի» կիսապաշտպան Քրիստիան Էրիքսենի հետ եւ հասել է համաձայնության անձնական պայմանագրի կետերի վերաբերյալ, հաղորդում է AS-ը։ Դանիացի ֆուտբոլիստի վարձատրությունը զգալիորեն կբարձրանա։

«Ռեալի» եւ «Տոտենհեմի» բանակցությունները դեռ արդյունք չեն տվել։ Անգլիական ակումբը մտադիր է 27-ամյա ֆուտբոլիստի տրանսֆերից ստանալ 150-200 միլիոն եվրո։ Նրա պայմանագիրը «Տոտենհեմի» հետ նախատեսված է մինչեւ 2020թ․ հունիս։

Անգլիայի ընթացիկ առաջնությունում Էրիքսենը մասնակցել է 33 հանդիպման, խփել 7 գոլ, կատարել 12 գոլային փոխանցում։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։