Ֆուտբոլի Հայաստանի մինչեւ 16 տարեկանների հավաքականը նվաճել է ՈւԵՖԱ-ի Զարգացման մրցաշարի հաղթողի կոչումը:
Բոսնիա եւ Հերցեգովինայի մայրաքաղաք Սարաեւոյում անցկացված մրցաշարի երրորդ տուրում Հայաստանի Մ-16 հավաքականը 2:0 հաշվով հաղթել է Ջիբրալթարի թիմին եւ 7 միավորով գրավել առաջին տեղը: Դուբլի հեղինակ է դարձել Սամվել Հակոբյանը, որն աչքի է ընկել 21-րդ եւ 65-րդ րոպեներին:
Հիշեցնենք, որ նախորդ 2 խաղերում Սարգիս Մովսիսյանի գլխավորած Հայաստանի Մ-16 հավաքականը հետխաղյա 11 մետրանոցներով հաղթել էր Բոսնիա եւ Հերցեգովինայի եւ Չեռնոգորիայի թիմերին: 2 խաղերի հիմնական ժամանակն էլ ավարտվել էր 0:0 հաշվով:
Ֆոտո՝ ՀՖՖ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։