Պրոֆեսիոնալ բռնցքամարտի գերծանր քաշային կարգում IBF/IBO/WBA/WBO վարկածներով աշխարհի նախկին չեմպիոն Վլադիմիր Կլիչկոն ակնարկել է ռինգ վերադառնալու ցանկության մասին: 43-ամյա ուկրաինացին հիշել է իր վերջին մենամարտը IBF/IBO/WBA/WBO վարկածներով աշխարհի չեմպիոն, բրիտանացի Էնթոնի Ջոշուայի հետ:
«Թեեւ տիտղոսներ չեմ նվաճել 2017-ի ապրիլի 29-ից, դա իմ կարիերայի լավագույն մենամարտերից էր (դեռ): Շնորհակալություն Էնթոնի Ջոշուային իդեալական մրցակից լինելու եւ իմ՝ դարձյալ չեմպիոն դառնալու ցանկության համար»,- թվիթերյան էջում գրել է Կլիչկոն:
Հիշեցնենք, որ Վլադիմիր Կլիչկոն Էնթոնի Ջոշուայի հետ մենամարտել է նախորդ տարվա ապրիլին՝ պարտվելով նոկաուտով: Դրանից հետո ուկրաինացին ռինգ դուրս չի եկել:
Կլիչկոն պրոֆեսիոնալ ռինգում անցկացրել է 69 մենամարտ՝ տանելով 64 հաղթանակ (53 նոկաուտ): 1996-ին նա դարձել էր նաեւ օլիմպիական չեմպիոն:
Although, I didn’t win the titles on April 29th 2017, for me, it was one of my best days in my long boxing career (so far). Thanks @anthonyfjoshua for being the perfect opponent and part of my obsession to become a champion again! #obsessed pic.twitter.com/vFSPLXG9QF
— Klitschko (@Klitschko) April 29, 2019
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։