Յուրգեն Կլոպ․ «Բարսելոնայի» մրցակիցը երբեք չի լինում ֆավորիտ

Անգլիական «Լիվերպուլի» գերմանացի գլխավոր մարզիչ Յուրգեն Կլոպը «Բարսելոնայի» դեմ Չեմպիոնների լիգայի կիսաեզրափակիչում ֆավորիտ է համարում մրցակցին։

«Իմ ղեկավարած թիմերը խաղացել են «Ռեալի» դեմ, բայց երբեք՝ «Բարսելոնայի» դեմ։ Հրաշալի է, որ «Բարսելոնայի» դեմ խաղերում մրցակիցը երբեք չի լինում ֆավորիտ։ Այդ արգելքը հաղթահարելու անհրաժեշտ կլինի տարբերվել «Բարսելոնայի» նախորդ մրցակիցներից եւ նոր բան առաջարկել։ Դա գրավիչ միտք է։ Բայց այդ ուղղությամբ առայժմ որեւէ բան չեմ մտածել»,- Կլոպի խոսքը մեջբերում է Goal.com-ը։

«Բարսելոնա» - «Լիվերպուլ» առաջին հանդիպումը տեղի կունենա մայիսի 1-ին Կատալոնիայում։