Միլանի «Ինտերը» ցանկանում է ամռանը ձեռք բերել անգլիական «Մանչեսթեր Յունայթեդի» չիլիացի հարձակվող Ալեքսիս Սանչեսին, հաղորդում է The Independent-ը։
30-ամյա ֆուտբոլիստը ստիպված կլինի իտալական ակումբում համակերպվել ավելի ցածր վարձատրության։ «Մանչեսթեր Յունայթեդում» նա ստանում է շաբաթական կես միլիոն ֆունտ ստերլինգ։ Ուլե-Գունար Սուլշերի ղեկավարած թիմը լուրջ ծրագրեր չի կապում Սանչեսի հետ։
Transfermarkt-ը Ալեքսիս Սանչեսի տրանսֆերի արժեքը գնահատում է 45 միլիոն եվրո։ Նրա պայմանագիրը «Մանչեսթեր Յունայթեդի» հետ նախատեսված է մինչեւ 2022թ․ հունիսի 30-ը։
Ընթացիկ մրցաշրջանում Սանչեսը «Մանչեսթեր Յունայթեդի» հետ մասնակցել է 25 հանդիպման, խփել 2 գոլ, կատարել 3 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։