Մարգարիտա Գասպարյան. Այս մրցաշրջանը շատ կարեւոր է ինձ համար
16:10 25 ապրիլի, 2019Աշխարհի 72-րդ ռակետ, ռուսաստանցի Մարգարիտա Գասպարյանը մեկնաբանել է Ստամբուլում ընթացող թենիսի TEB BNP Paribas İstanbul Cup WTA մրցաշարի երկրորդ շրջանում աշխարհի 30-րդ ռակետ, ռումինացի Միխայելա Բուզերնեսկուի նկատմամբ հաղթանակը 3 սեթում:
«Հիմա մի փոքր հոգնած եմ, սակայն շատ ուրախ եմ, որ հաղթեցի: Այժմ յուրաքանչյուր հաղթանակ շատ կարեւոր է ինձ համար. սա շատ կարեւոր մրցաշրջան է ինձ համար: Ունեցել եմ վնասվածքներ ու վիրահատություններ եւ հիմա վերջապես վերականգնվել եմ»,- հայ մարզուհու խոսքը մեջբերում է WTA-ի կայքը:
Հիշեցնենք, որ երրորդ սեթում Գասպարյանը պարտվում էր 3:5 հաշվով, սակայն հաղթեց հաջորդ 4 գեյմերը եւ դուրս եկավ հաջորդ փուլ: Կիսաեզրափակիչի ուղեգիրը նա կվիճարկի Վերոնիկա Կուդերմետովա (Ռուսաստան) – Տիմեա Բաբոշ (Հունգարիա) զույգի հաղթողի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։