«Մանչեսթեր Սիթիի» ալժիրցի կիսապաշտպան Ռիհադ Մահրեզն ամառային տրանսֆերային պատուհանի ընթացքում կարող է հեռանալ անգլիական ակումբից:
Daily Mail-ի համաձայն՝ 28-ամյա ֆուտբոլիստը դժգոհ է մանչեսթերյան ակումբում ստացած խաղաժամանակից:
Ընթացիկ մրցաշրջանում նա «Մանչեսթեր Սիթիի» կազմում Պրեմյեր լիգայում եւ Չեմպիոնների լիգայում մասնակցել է 32 խաղի, դարձել 7 գոլի ու 7 գոլային փոխանցման հեղինակ: Կիսապաշտպանը 15 խաղերում է հանդես եկել մեկնարկային կազմում:
Մահրեզը 2018-ի ամռանը «Լեսթերից» է տեղափոխվել մանչեսթերյան ակումբ, որը 60 միլիոն ֆունտ ստերլինգ էր վճարել նրա տրանսֆերի համար: Ալժիրցու գործող պայմանագիրը նախատեսված է մինչեւ 2023-ի ամառ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։