Մբապեն վազել է ավելի արագ, քան Ուսեյն Բոլթը՝ 100 մետրի աշխարհի ռեկորդ սահմանելիս
09:40 23 ապրիլի, 2019Ֆրանսիայի չեմպիոնի տիտղոսը ժամանակից շուտ ապահոված ՊՍԺ-ի հարձակվող Կիլիան Մբապեն անհավանական արագություն է զարգացրել «Մոնակոյի» դեմ «Լիգա-1»-ի 33-րդ տուրի խաղում (3:1), որում դարձել էր հեթ-տրիկի հեղինակ:
Daily Mail-ի համաձայն՝ առաջին գոլի դրվագում 20-ամյա ֆրանսիացին վազել է ավելի արագ, քան Օլիմպիական խաղերի ութակի չեմպիոն, 100 եւ 200 մետր վազքի աշխարհի ռեկորդակիր Ուսեյն Բոլթը՝ 100 մետրի աշխարհի ռեկորդ սահմանելիս: Մբապեն զարգացրել է 38 կմ/ժամ արագություն, իսկ ջամայկացի արագավազորդի արագությունը ռեկորդային ելույթում կազմել էր 37,58 կմ/ժամ:
Հիշեցնենք, որ Մբապեն Ֆրանսիայի առաջնության ռմբարկուների ցուցակը գլխավորում է 30 գոլով: Նա դարձել էր Ֆրանսիայի առաջնությունում 30 գոլ խփած ամենաերիտասարդ ֆուտբոլիստը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։