Մատիչը՝ «Էվերտոնից» կրած 0։4 պարտության մասին․ Գլխավոր խնդիրը ես էի
00:09 23 ապրիլի, 2019«Մանչեսթեր Յունայթեդի» սերբ պաշտպան Նեմանյա Մատիչը ստանձնել է պատասխանատվությունը Անգլիայի առաջնության 35-րդ տուրում Լիվերպուլի «Էվերտոնից» 0։4 հաշվով կրած պարտության համար։
«Շատ բան չստացվեց «Էվերտոնի» դեմ խաղում։ Կարծում եմ՝ ամենափորձառու տղաները վատ խաղացին։ Խոսքը վերաբերում է նաեւ ինձ։ Ես չեմ կարծում, որ այսօր պետք է մեղադրել երիտասարդներին։ Այսպիսի դիմակայություններում պետք է հաղթող դուրս գալ դաշտի կենտրոնում ընթացող անհատական պայքարում։ Մենք դա չարեցինք։ Ամենամեծ խնդիրը ես էի»,- 30-ամյա Մատիչի խոսքը մեջբերում է Goal.com-ը:
«Մանչեսթեր Յունայթեդը» սահմանել է ակումբային հակառեկորդ: 1992-ին հիմնադրված Պրեմյեր լիգայում մանչեսթերցիներն առաջին անգամ են 48 գոլ բաց թողնում մեկ մրցաշրջանի ընթացքում: Նախկինում «Մանչեսթեր Յունայթեդը» Պրեմյեր լիգայում 45 գոլ էր բաց թողել 1999/2000 եւ 2001/2002 մրցաշրջաններում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։