Ռուսական «Տամբովի» գլխավոր մարզիչի պաշտոնում նշանակվել է Ալեքսանդր Գրիգորյանը։ Այդ մասին championat.com-ին հայտնել է ակումբի մարզական տնօրեն Պավել Խուդյակովը։ Կողմերը կնքել են մեկ տարվա պայմանագիր։
Ակումբի ղեկավարությունը պաշտոնանկ է արել գլխավոր մարզիչ Մուրատ Իսկակովին։
«Տամբովը» Առաջին դիվիզիոնի առաջատարն է, սակայն նախորդ երեք խաղերում հաղթանակ չի տարել՝ երկու ոչ ոքի եւ պարտություն։ Թիմը 4 միավորի առավելություն ունի մոտակա հետապնդող «Սոչիի» նկատմամբ։ Առաջին երկու տեղերը գրաված թիմերը դուրս կգան Պրեմյեր լիգա։ Առաջնության ավարտին մնացել է 6 տուր։
Գրիգորյանը նախկինում գլխավորել է «Լուչը», «ԲՄԱ-Խաբարովսկը», «Անժին»։ Այժմ նա Մոսկվայի ԲԿՄԱ-ի կանանց թիմի գլխավոր մարզիչն է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։