«Մանչեսթեր Յունայթեդի» գլխավոր մարզիչ Օլե-Գունար Սուլշերը մեկնաբանել է Անգլիայի առաջնության 35-րդ տուրում Լիվերպուլի «Էվերտոնից» կրած պարտությունը 0:4 հաշվով:
«Խաղի մեկնարկային վայրկյաններից ինչ-որ բան այնպես չէր: Պարզապես ցանկանում եմ ներողություն խնդրել երկրպագուներից:
«Էվերտոնը» մեզանից լավն էր բոլոր առումներով: Շատ բան պետք է շտկենք արդյունքի հասնելու համար: Միայն տաղանդը երբեք բավականաչափ չի լինում:
Պարզապես չէինք խաղում: Այս ելույթը հարիր չէր «Մանչեսթեր Յունայթեդին»: Լավ հնարավորություն ունենք այս սխալն ուղղել «Մանչեսթեր Սիթիի» դեմ հաջորդ խաղում»,- նորվեգացի մասնագետի խոսքը մեջբերում է BBC-ն:
Հիշեցնենք, որ բոլոր մրցաշարերում «Մանչեսթեր Յունայթեդը» չորրորդ պարտությունը կրեց վերջին 5 խաղերում: Մանչեսթերցիները 64 միավորով 6-րդ տեղում են:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։