Ժիրուն կրկնեց Մեսիի ցուցանիշը եւ ռեկորդ սահմանեց «Չելսիում»

14:40   19 ապրիլի, 2019

Լոնդոնի «Չելսիի» ֆրանսիացի հարձակվող Օլիվյե Ժիրուն, գոլի հեղինակ դառնալով չեխական «Սլավիայի» դեմ Եվրոպայի լիգայի քառորդ եզրափակիչի պատասխան խաղում, այս մրցաշրջանում 10-րդ գոլն է խփել եվրագավաթներում:

Ժիրուն «Բարսելոնայի» արգենտինացի հարձակվող Լիոնել Մեսիից հետո երկրորդ ֆուտբոլիստն է, որն ընթացիկ մրցաշրջանում եվրագավաթներում գոլերի քանակը հասցնում է 10-ի: Մեսին 10 գոլ է խփել Չեմպիոնների լիգայի այս մրցաշարում:

Օլիվյե Ժիրուն «Չելսիի» առաջին ֆուտբոլիստն է, որը եվրագավաթների մեկ մրցաշրջանում դառնում է 10 գոլի հեղինակ: 2012/13 մրցաշրջանում 9 գոլ խփել էր իսպանացի հարձակվող Ֆերնանդո Տորեսը, փոխանցում է Opta-ն:

Հիշեցնենք, որ Եվրոպայի լիգայի կիսաեզրափակիչում լոնդոնյան ակումբը կխաղա Ֆրանկֆուրտի «Այնտրախտի» հետ: Եզրափակիչի մյուս ուղեգիրը կվիճարկեն Լոնդոնի «Արսենալն» ու իսպանական «Վալենսիան»:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։