«Նապոլիի» դեմ խաղում «Արսենալի» ֆուտբոլիստը 5 րոպեով բացակայել է խաղադաշտից (ֆոտո)
13:10 19 ապրիլի, 2019Ուշագրավ միջադեպ է գրանցվել Լոնդոնի «Արսենալի» եւ իտալական «Նապոլիի» միջեւ Եվրոպայի լիգայի քառորդ եզրափակիչի պատասխան խաղում:
Երկրորդ խաղակեսի ընթացքում անգլիական ակումբի իսպանացի պաշտպան Նաչո Մոնրեալը 5 րոպեով բացակայել է խաղադաշտից: Ենթադրվում է, որ նա գնացել է զուգարան: Երկրպագուները սոցցանցերում կատակել են այդ միջադեպի վերաբերյալ, գրում է BT Sport-ը:
Հիշեցնենք, որ Նեապոլում տեղի ունեցած պատասխան խաղում «Արսենալը» հաղթել էր նվազագույն հաշվով, իսկ Հայաստանի հավաքականի կիսապաշտպան Հենրիխ Մխիթարյանն անգլիական ակումբի կազմում դաշտ էր դուրս եկել 34-րդ րոպեին՝ փոխարինելով վնասվածք ստացած Աարոն Ռեմզիին։
«Արսենալը» «Նապոլիին» հաղթել էր նաեւ առաջին խաղում՝ 2:0:
Եվրոպայի լիգայի կիսաեզրափակիչում լոնդոնյան ակումբը կխաղա Ունաի Էմերիի նախկին ակումբ իսպանական «Վալենսիայի» հետ, իսկ եզրափակիչի մյուս ուղեգիրը կվիճարկեն Լոնդոնի «Չելսին» ու Ֆրանկֆուրտի «Այնտրախտը»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։