ԵԼ․ «Արսենալը», «Չելսին», «Վալենսիան» ու «Այնտրախտը» կիսաեզրափակիչում են (տեսանյութ)

00:55   19 ապրիլի, 2019

Լոնդոնի «Արսենալն» ու «Չելսին», իսպանական «Վալենսիան» ու Ֆրանկֆուրտի «Այնտրախտը» դուրս եկան Եվրոպայի լիգայի կիսաեզրափակիչ։

Լոնդոնի «Արսենալն» Իտալիայում մրցեց «Նապոլիի» հետ եւ առավելության հասավ նվազագույն հաշվով։ Հայաստանի հավաքականի կիսապաշտպան Հենրիխ Մխիթարյանն անգլիական թիմի պահեստայինների թվում էր եւ 34-րդ րոպեին փոխարինեց վնասվածք ստացած ուելսցի կիսապաշտպան Աարոն Ռեմզիին։ 2 րոպե անց ազատ հարվածը հեռվից արդյունավետ իրացրեց ֆրանսիացի հարձակվող Ալեքսանդր Լյակազեթը։ Առաջին խաղում «Արսենալը» հաղթել էր 2։0 հաշվով։

«Չելսին» քառորդ եզրափակիչի պատասխան խաղում ընդունեց Պրահայի «Սլավիայի» եւ բարդ հաղթանակ տարավ 4։3 հաշվով։ Չեխիայում անգլիական թիմը հաղթել էր 1։0 հաշվով։

Իսպանական դերբիում «Վալենսիան» դարձյալ ուժեղ էր «Վիլյառեալից»՝ 2։0։ Հյուրընկալվելիս «Վալենսիան» հաղթել էր 3։1 հաշվով։

Ֆրանկֆուրտի «Այնտրախտ» տանը 2։0 հաշվով առավելության հասավ պորտուգալական «Բենֆիկայի» նկատմամբ։ Մեկ շաբաթ առաջ գերմանական թիմը պարտվել էր 2։4 հաշվով եւ դրսում խփած գոլերի շնորհիվ դուրս եկավ կիսաեզրափակիչ, որտեղ կմրցի «Չելսիի» հետ։ Մյուս զույգը կազմել են «Արսենալն» ու «Վալենսիան»։ Վիճակահանությունն անցկացվել էր քառորդ եզրափակիչի վիճակահանության հետ։

Եվրոպայի լիգա, քառորդ եզրափակիչ, պատասխան խաղ

«Նապոլի» (Իտալիա) - «Արսենալ» (Անգլիա)՝ 0։1 (տեսանյութ), (առաջին խաղ՝ 0:2)

Ալեքսանդր Լյակազեթ, 36

«Չելսի» (Անգլիա) - «Սլավիա Պրահա» (Չեխիա)՝ 4։3 (տեսանյութ), (առաջին խաղ՝ 1:0)

Պեդրո Ռոդրիգես, 5, 27, Սիմոն Դելի, 9, ինքնագոլ, Օլիվյե Ժիրու, 17 - Տոմաշ Սոուչեկ, 26, Պետր Շեւչիկ,  51, 54

«Վալենսիա» (Իսպանիա) - «Վիլյառեալ» (Իսպանիա)՝ 2։0 (տեսանյութ), (առաջին խաղ՝ 3:1)

Անտոնիո Լատորե, 13, Դանիել Պարեխո, 54

«Այնտրախտ Ֆրանկֆուրտ» (Գերմանիա) - «Բենֆիկա» (Պորտուգալիա)՝ 2։0 (տեսանյութ) (առաջին խաղ՝ 2:4)

Ֆիլիպ Կոստիչ, 36, Սեբաստիան Ռոդե, 67

 



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։