Յուրգեն Կլոպ․ Մենք կգտնենք հակաքայլեր «Բարսելոնայի» դեմ
19:17 18 ապրիլի, 2019Մենք կգտնենք հակաքայլեր «Բարսելոնայի» դեմ, ասել է անգլիական «Լիվերպուլի» գերմանացի գլխավոր մարզիչ Յուրգեն Կլոպը՝ խոսելով Չեմպիոնների լիգայի կիսաեզրափակիչում սպասվող դիմակայության մասին։
«Մեզ համար անհավանական է կիսաեզրափակիչում լինելը։ Երկրորդ անգամ անընդմեջ դրան հասնելը խելահեղ նվաճում է։ Ես հպարտ եմ մեր տղաների նվաճումով։ Մեծ պատիվ է լինել կիսաեզրափակիչում։
Ասում են, որ «Լիվերպուլի» եւ «Բարսելոնայի» դիմակայությունում կլինի իսկական ֆուտբոլ։ Ես ուրախ այդ մարդկանց համար, որ կկարողանան տեսնել այդ պայքարը»,- Յուրգեն Կլոպի խոսքը մեջբերում է Goal.com-ը։
Կատալոնական «Բարսելոնան» ու անգլիական «Լիվերպուլն» առաջին խաղը կանցկացնեն մայիսի 1-ին «Նոու Կամպ» ստադիոնում, իսկ պատասխան հանդիպումը՝ մայիսի 7-ին Անգլիայում։ Լոնդոնի «Տոտենհեմի» եւ Ամստերդամի «Այաքսի» առաջին հանդիպումը տեղի կունենա ապրիլի 30-ին Անգլիայում, իսկ պատասխան խաղը՝ մայիսի 8-ին Հոլանդիայում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։