Պորտուգալացի մասնագետ Ժոզե Մոուրինյոն մեկնաբանել է Չեմպիոնների լիգայի քառորդ եզրափակիչի պատասխան խաղում «Մանչեսթեր Սիթիի» անգլիացի կիսապաշտպան Ռահիմ Ստերլինգի չգրանցած գոլի դրվագը։ Մրցավարները դիմել էին կրկնապատկերի մրցավարական տեսահամակարգի (VAR) օգնությանը։
«Ամեն ինչ ճիշտ էր այդ դրվագում։ VAR-ն արդեն օգտագործվում է շատ մրցաշարերում։ Երբեմն հավանում եմ այդ համակարգը, երբեմն ատում եմ։ Հաճախ մտածում եմ, որ այն սպանում է հույզերը, եւ դրա կիրառումը սխալ է։ Բայց VAR-ը մրցավարների համար ֆանտաստիկ օգնական է։ Այդ 5 սմ խաղից դուրս վիճակից էր կախված Չեմպիոնների լիգայի կիսաեզրափակիչի ուղեգրի հարցը։ Խաղից դուրս վիճակ կար, VAR-ն այն հաստատեց»,- Մոուրինյոյի խոսքը մեջբերում է RT-ն։
Հիշեցնենք, որ «Մանչեսթեր Սիթին» Խոսեպ Գվարդիոլայի գլխավորությամբ Լոնդոնի «Տոտենհեմին» հաղթեց 4։3 հաշվով, սակայն դուրս մնաց պայքարից։ Լոնդոնում տեղի ունեցած առաջին խաղում 1։0 հաշվով հաղթել էր «Տոտենհեմը»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։