Ռոնալդուն հիասթափված է «Այաքսից» կրած պարտությունից եւ կարող է ժամանակից շուտ հեռանալ «Յուվենտուսից»
14:35 18 ապրիլի, 2019Թուրինի «Յուվենտուսի» պորտուգալացի հարձակվող Կրիշտիանու Ռոնալդուն կարող է պայմանագրի ավարտից շուտ հեռանալ իտալական ակումբից:
La Repubblica-ի համաձայն՝ 34-ամյա ֆուտբոլիստը խիստ հիասթափված է Չեմպիոնների լիգայի քառորդ եզրափակիչում Ամստերդամի «Այաքսից» կրած պարտության պատճառով: Ռոնալդուն «Յուվենտուսից» չի հեռանա այս մրցաշրջանի վերջում, սակայն պատրաստ է դա անել 2020-ի ամռանը:
Պորտուգալացի հարձակվողն այս մրցաշրջանից առաջ Մադրիդի «Ռեալից» էր տեղափոխվել «Յուվենտուս», որի հետ նրա գործող պայմանագիրը նախատեսված է մինչեւ 2022-ի ամառ:
Չեմպիոնների լիգայի քառորդ եզրափակիչում Իտալիայի չեմպիոնը պարտվել էր «Այաքսին» (1:1, 1:2): Կիսաեզրափակիչում հոլանդական ակումբը կմրցի Լոնդոնի «Տոտենհեմի» հետ: Եզրափակիչի մյուս ուղեգիրը կվիճարկեն կատալոնական «Բարսելոնան» ու անգլիական «Լիվերպուլը»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։