«Բարսելոնայի» պատանի երկրպագուն յուրօրինակ կերպով է խնդրել Մեսիի մարզաշապիկը (ֆոտո)

«Բարսելոնայի» երկրպագուներից մեկն անգլիական «Մանչեսթեր Յունայթեդի» դեմ Չեմպիոնների լիգայի քառորդ եզրափակիչի պատասխան խաղում յուրօրինակ կերպով է խնդրել կատալոնական ակումբի արգենտինացի հարձակվող Լիոնել Մեսիի մարզաշապիկը: Նա տրիբունայում ցուցադրել է մեծ պաստառ, որի վրա հետեւյալ գրառումն էր. «Սիրելի Մեսի, քանի դեռ չես վերադարձել տիեզերք, գուցե ինձ կտաս մարզաշապիկդ: Խնդրում եմ: Այսօր ես դառնում եմ 8 տարեկան»:

Հիշեցնենք, որ այդ խաղում «Բարսելոնան» 3:0 հաշվով հաղթել էր Մեսիի դուբլի օգնությամբ եւ դուրս եկել կիսաեզրափակիչ: Առաջին խաղում կատալոնական ակումբը «Մանչեսթեր Յունայթեդին» պարտության էր մատնել նվազագույն հաշվով:

Չեմպիոնների լիգայի կիսաեզրափակիչում «Բարսելոնան» կմրցի «Լիվերպուլ» (Անգլիա) - «Պորտու» (Պորտուգալիա) դիմակայության հաղթողի հետ:

Дорогой Лео Месси! 

Прежде чем ты вернешься в космос, может, ты отдашь мне свою майку? Пожалуйста! Мне сегодня исполнилось 8 лет #ЛигаЧемпионов  pic.twitter.com/B6jLJvWw4p

— UEFA.com на русском (@UEFAcom_ru) April 16, 2019