«Արարատի» դարպասապահը մահացել է հրազենային կրակոցից
15:50 16 ապրիլի, 2019«Արարատ-2»-ի դարպասապահ Մուշեղ Ղեւոնդյանը մահացել է հրազենային կրակոցից: Երեւանյան ակումբը ցավակցական ուղերձ է հղել 23-ամյա ֆուտբոլիստի մահվան կապակցությամբ:
«Խորին ցավով տեղեկացնում ենք, որ ապրիլի 15-ի գիշերը հրազենային կրակոցից մահացել է «Արարատ-2»-ի դարպասապահ Մուշեղ Ղեւոնդյանը:
Ակումբը ցավակցում է Ղեւոնդյանի ընտանիքի անդամներին, հարազատներին ու ընկերներին»,- ասվում է ակումբի հայտարարությունում:
Դժբախտ պատահարը տեղի է ունեցել ապրիլի 15-ին Երեւանի Լեփսիուսի փողոցի 25 շենքի հարակից տարածքում: Մուշեղ Ղեւոնդյանը տեղափոխվել է հիվանդանոց, սակայն, վերակենդանացման բաժանմունքում գիտակցության չգալով, մահացել է։ Նախկինում դարպասապահը հանդես է եկել նաեւ Վանաձորի «Լոռիում»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։