«Ժետիսուի» կիսապաշտպան Կամո Հովհաննիսյանը մեկնաբանել է «Կայրաթի» նկատմամբ հաղթանակը Ղազախստանի առաջնության 5-րդ տուրում: Այդ խաղում «Ժետիսուն» հաղթել էր 3:0 հաշվով, իսկ Հայաստանի հավաքականի 26-ամյա ֆուտբոլիստը դարձել էր գոլի հեղինակ:
«Լրջորեն էինք տրամադրվել «Կայրաթի» դեմ խաղին: Հասկանում էինք, որ մեզ հաղթանակ է հարկավոր անհաջող խաղերից հետո: Մեզ հաջողվեց տիրել նախաձեռնությանը եւ խաղալ հարձակողական ֆուտբոլ, ինչը բերեց դրական արդյունքի:
Կարծում եմ՝ մրցակիցը մեզանից չէր սպասում այդպիսի ճնշում եւ մի փոքր շփոթված էր: Վաստակեցինք շատ կարեւոր 3 միավորներ: Կփորձենք հաջորդ խաղերում էլ ներդնել բոլոր ուժերը եւ ցուցադրել ինտենսիվ ու դիտարժան ֆուտբոլ»,- Կամո Հովհաննիսյանի խոսքը մեջբերում է sports.kz-ն:
Հիշեցնենք, որ sports.kz-ի վարկածով Կամո Հովհաննիսյանն ընդգրկվել էր Ղազախստանի առաջնության 5-րդ տուրի խորհրդանշական հավաքականում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։