Հայաստանը 16 մեդալ է նվաճել Եվրոպայի պատանեկան ու երիտասարդական առաջնություններում

15:05   15 ապրիլի, 2019

Սամբոյի Հայաստանի հավաքականների 22 անդամներից 16-ը մեդալակիր են դարձել  Կիպրոսի Լիմասոլ քաղաքում անցկացված Եվրոպայի պատանեկան ու երիտասարդական առաջնություններում, հայտնում է ՀՍՖ մամուլի ծառայությունը։

Մասնակցել են 1998-2001թթ․ ծնված ավելի քան 260 մարզիկ-մարզուհիներ Ադրբեջանից, Բելոռուսից, Բուլղարիայից, Գերմանիայից, Էստոնիայից Իռլանդիայից, Իսրայելից, Լատվիայից, Լեհաստանից, Լիտվայից, Կիպրոսից, Հայաստանից, Հունաստանից, Մակեդոնիայից,Մոլդովայից, Նիդերլանդներից, Ռումինիայից, Ռուսաստանից, Վրաստանից, Ուկրաինայից, Ֆրանսիայից:

Պատանիներ առաջնության հաղթողներ դարձան և ոսկե մեդալներ նվաճեցին 
Դավիթ Հովսեփյանը (52կգ), Արսեն Կարապետյանը (75կգ), արծաթե մեդալների արժանացան Գևորգ Վարդանյանը (48կգ), Մամիկոն Ավետիսյանը (81կգ), բրոնզե մեդալների՝ Երվանդ Ներսիսյանը (56կգ), Արամ Աղաջանյանը (60կգ), Դավիթ Հարությունյանը (+87կգ) և Սյուզաննա Կիրակոսյանը (44կգ): Հայաստանի պատանեկան հավաքականը գրավեց երկրորդ տեղը:

Երիտասարդների առաջնությունում արծաթե մեդալներ նվաճեցին Կարեն Սարգսյանը (52կգ), Դավիթ Իսրայելյանը (57կգ), Վարսիկ Գրիգորյանը (56կգ), բրոնզե մեդալներ՝ Վահան Շահբազյանը (48կգ), Նարեկ Դալլաքյանը (62կգ), Բորիս Շատվերյանը (74կգ), Արման Ավանեսյանը (90կգ), Մելինե Մամիկոնյանը (48կգ)։

Մրցավայր էին մեկնել նաև մարզիչներ Վովիկ Խոջայանը, Էռնեստ Միրզոյանը, Հայկ Ավետիսյանը, պատվիրակության ղեկավարն է Հայաստանի սամբոյի ֆեդերացիայի նախագահ Միքայել Հայրապետյանը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։