Անգլիական «Մանչեսթեր Յունայթեդը» կքննարկի աշխարհի չեմպիոն Ֆրանսիայի հավաքականի կիսապաշտպան Պոլ Պոգբայի տրանսֆերը, եթե Մադրիդի «Ռեալից» ստանա առնվազն 150 միլիոն եվրոյի առաջարկ, հաղորդում է իսպանական Marca-ն։
Ֆուտբոլիստը կողմ է տեղափոխությանը, թեեւ հիմա «Մանչեսթեր Յունայթեդը» ցանկանում է երկարաձգել նրա պայմանագիրը։ Թիմի գլխավոր մարզիչ Ուլե-Գունար Սուլշերը հույս ունի, որ Պոգբան կմնա եւ կդառնա իսկական առաջատար։
Հիշեցնենք, որ 2016-ին «Մանչեսթեր Յունայթեդը» Պոգբայի համար Թուրինի «Յուվենտուսին» վճարել է 105 միլիոն եվրո։ Ընթացիկ մրցաշրջանում նա մասնակցել է 41 հանդիպման, խփել 16 գոլ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։