ՊՍԺ-ի երկրորդ պարտությունը՝ 1։5 (տեսանյութ)

00:58   15 ապրիլի, 2019

Ֆրանսիայի առաջնության 32-րդ տուրում չեմպիոն ՊՍԺ-ն մրցակցի խաղադաշտում հանդիպեց փոխչեմպիոնի կոչմանը հավակնող «Լիլին» եւ պարտություն կրեց 1։5 հաշվով։

36-րդ րոպեից փարիզյանը թիմը հանդես էր գալիս 10 ֆուտբոլիստներով։ Վերջին հույսի խախտման համար կարմիր քարտ ստացավ իսպանացի պաշտպան Խուան Բերնատը, որը 11-րդ րոպեին գոլ էր խփել՝ հավասարեցնելով հաշիվը։ «Լիլը» կարողացավ արդյունավետ օգտվել թվային առավելությունից եւ եւս չորս գոլ խփել։

ՊՍԺ-ն 31 խաղից հետո 81 միավորով առաջինն է, «Լիլն» ունի 64 միավոր եւ երկրորդն է՝ 8 միավորի առավելությամբ երրորդ տեղում ընթացող «Լիոնի» նկատմամբ։ Այս խաղում չպարտվելու դեպքում, ՊՍԺ-ն առաջնության ավարտից 7 խաղ առաջ կապահովեր չեմպիոնությունը։

Այս առաջնությունում ՊՍԺ-ն կրեց երկրորդ պարտությունը։ Առաջինը՝ 1։2 հաշվով պարտությունն էր «Լիոնից»։ Ֆրանսիայի առաջնությունում նախորդ անգամ չորս գոլի տարբերությամբ ՊՍԺ-ն պարտվել էր 2000թ․ դեկտեմբերի «Սեդանին»՝ դարձյալ 1։5։

Ֆրանսիայի առաջնություն, 32-րդ տուր

«Լիլ» - ՊՍԺ՝ 5։1 (տեսանյութ)

Տոմա Մենյե, 7, ինքնագոլ, Նիկոլա Պեպե, 51, Ժոնատան Բամբա, 65, Գաբրիել, 71, Ժոզե Ֆոնտե, 84 – Խուան Բերնատ, 11

Հեռացում՝ Խուան Բերնատ (ՊՍԺ), 36



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։