Վստահության պակասը խանգարեց լինել մեդալային պայքարում: Այս մասին NEWS.am Sport-ի թղթակցի հետ զրույցում ասաց ծանրամարտի կանանց Հայաստանի հավաքականի ներկայացուցիչ Արփինե Դալալյանը:
Բաթումիում ավարտված ծանրամարտի Եվրոպայի առաջնությունում Արփինե Դալալյանը +87 կգ քաշային կարգում երկամարտի 240 կգ արդյունքով գրավել է չորրորդ տեղը։ Պոկում վարժությունում Դալալյանը բարձրացրեց 105, հրում վարժությունում՝ 135 կգ։
«Նորմալ եմ գնահատում չորրորդ տեղը մեծահասակների Եվրոպայի առաջնությունում: 2016 թվականին էլ եմ մասնակցել մեծահասակների ԵԱ-ին եւ 7-րդ տեղն էի զբաղեցրել: Այստեղ ինձ վստահությունը պակասեց մեդալի համար պայքարել:
Պոկում վարժությունից հետո, երբ 10 կգ-ով արդեն պարտվել էի, հրում վարժությունում վստահությունս կորեց: Իմ քաշայինների պայքարում մեծ մրցակցություն կար, լարված ու ծանր պայքար էր գնում:
Սկզբից շատ լավ էի ինձ զգում, լարվածություն ու անվստահություն չկար: Պոկումից հետո ամեն ինչ փոխվեց: 110-145 պատրաստ էի բարձրացնել: Բայց երբ արդեն հասկացա, որ միեւնույն է չեմ կարողանալու հասնել, հույսս կոցրեցի:
Մեկ ամսից աշխարհի երիտասարդական առաջնությունում հանդես կգամ, հուսամ՝ այնտեղ ամեն ինչ լավ կլինի, լավ հանդես կգամ»,- ասաց Արփինե Դալալյանը:
Հիշեցնենք, որ Հայաստանի հավաքականը մեդալային հաշվարկում 3-րդն է՝ երկամարտի 2 ոսկե, 1 արծաթե եւ 2 բրոնզե մեդալներով:
Լուսինե Շահբազյան, Արսեն Սարգսյան (Բաթումի)
NEWS.am Sport-ը լուսաբանումն իրականացնում է UCOM-ի աջակցությամբ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։