«Բավարիան» խնդիրներ չունեցավ (տեսանյութ)

19:24   14 ապրիլի, 2019

Գերմանիայի առաջնության 29-րդ տուրում Մյունխենի «Բավարիան» հյուրընկալվեց «Դյուսելդորֆին» եւ հաղթանակ տարավ 4։1 հաշվով։ Խորվաթ Նիկո Կովաչի գլխավորած թիմի կազմի դուբլի հեղինակ դարձավ աշխարհի չեմպիոն Ֆրանսիայի հավաքականի կիսապաշտպան Քինգսլի Քոմանը։ Աչքի ընկան նաեւ Գերմանիայի հավաքականի կիսապաշտպաններ Սերժ Գնաբրին ու Լեոն Գորեցկան։

53-րդ րոպեին վնասվածք ստացավ մյունխենյան ակումբի գերմանացի դարպասապահ Մանուել Նոյերը, որին փոխարինեց Սվեն Ուլրայխը։

«Բավարիան» 67 միավորով դարձյալ բարձրացավ առաջին տեղ՝ 1 միավոր առաջ անցնելով Դորտմունդի «Բորուսիայից»։ «Դյուսելդորֆը» 10-րդն է՝ 37 միավոր։

Գերմանիայի առաջնություն, 29-րդ տուր

«Դյուսելդորֆ» - «Բավարիա»՝ 1։4 (տեսանյութ)

Դոդի Լուկեբակիո, 89, 11մ - Քինգսլի Քոման, 15, 41, Սերժ Գնաբրի, 55, Լեոն Գորեցկա, 90+2



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։