ԵԱ․ Արսեն Հարությունյանի փառահեղ հաղթական գոտեմարտը կիսաեզրափակիչում

12:04   10 ապրիլի, 2019

Ըմբշամարտի միջազգային ֆեդերացիայի պաշտոնական յութուբյան ալիքը ներկայացրել է Հայաստանի ներկայացուցիչ Արսեն Հարությունյանը հաղթական գոտեմարտի տեսագրությունը։ 

Ռումինիայի մայրաքաղաք Բուխարեստում ընթացող ազատ ոճի ըմբշամարտի Եվրոպայի առաջնության կիսաեզրափակիչում Եվրոպայի երիտասարդների չեմպիոնը 10։4 հաշվով հաղթել էր ռումինացի Նիկոլայ Օխլոպկովին։ Գոտեմարտի ընթացքում հայ ըմբիշը մրցակցի չթույլատրված հնարքի հետեւանքով ստացել էր արմունկի վնասվածք, սակայն կարողացավ 0։4 հաշվով պարտվելուց հետո կամային հաղթանակ տանել։

19-ամյա ըմբիշը որակավորման փուլում 14։8 հաշվով հաղթել էր ուկրաինացի Վոլոդիմիր Բորուկովին, իսկ քառորդ եզրափակիչում 5։2 հաշվով պարտության էր մատնել թուրք Ռեջեպ Տոպալին։

Ապրիլի 10-ին կայանալիք եզրափակիչում Արսեն Հարությունյանի մրցակիցը կլինի վրացի Բեկա Լոմտաձեն։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։