Գվարդիոլայի դժգոհությունը
11:18 9 ապրիլի, 2019Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան դժգոհել է, որ Անգլիայում նշանակություն չեն տալիս Սուպերգավաթին եւ հիմա չեն նշում, որ «Մանչեսթեր Սիթին» այս մրցաշրջանում արդեն 2 տիտղոս է նվաճել։
«Մարդիկ ասում են, որ մենք այս մրցաշրջանում նվաճել ենք մեկ տիտղոսը՝ Անգլիական լիգայի գավաթը։ Բայց մենք հաղթել ենք նաեւ Անգլիայի Սուպերգավաթի խաղում։ Ոչ ոք այդ տիտղոսը չի հաշվում։ Իսպանիայում եւ Գերմանիայում Սուպերգավաթը կարեւոր է։ Մենք միշտ հաշվում ենք, որ այս մրցաշրջանում արդեն երկու տիտղոս ենք նվաճել, եւս երեքի համար շարունակում ենք պայքարը, բայց բոլորն ասում են՝ մեկ տիտղոս։
Եթե այդպես է, ապա չեմպիոն դառնալու դեպքում, չենք մասնակցի Սուպերգավաթի խաղին։ Ամառային արձակուրդն էլ ավելի տեւական կլինի, ավելի լավ պատրաստված կլինենք Պրեմյեր լիգային եւ Չեմպիոնների լիգային»,- Գվարդիոլայի խոսքը մեջբերում է Goal.com-ը։
Հիշեցնենք, որ «Մանչեսթեր Սիթին» դուրս է եկել Անգլիայի գավաթի խաղարկության եզրափակիչ, Չեմպիոնների լիգայի քառորդ եզրափակիչ, Անգլիայի առաջնությունում զբաղեցնում է երկրորդ տեղը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.