Անգլիայի Գավաթ․ Եզրափակիչում՝ «Մանչեսթեր Սիթի» - «Ուոթֆորդ»

Ֆուտբոլի Անգլիայի գավաթի խաղարկության եզրափակիչի երկրորդ ուղեգիրը նվաճեց «Ուոթֆորդը», որը Լոնդոնի «Ուեմբլի» ստադիոնում տեղի ունեցած հանդիպման լրացուցիչ ժամանակում առավելության հասավ «Վուլվերհեմփթոնի» նկատմամբ։ Հիմնական ժամանակն ավարտվեց 2։2 հաշվով, իսկ 104-րդ րոպեին հաղթական գոլը խփեց իսպանացի հարձակվող Ժերար Դեուլոֆեուն։

Մայիսի 18-ին կայանալիք եզրափակիչում «Ուոթֆորդի» մրցակիցը կլինի «Մանչեսթեր Սիթին», որը կիսաեզրափակիչում 1։0 հաշվով հաղթել էր «Բրայթոնին»։

Անգլիայի Գավաթ, կիսաեզրափակիչ

«Ուոթֆորդ» - «Վուլվերհեմփթոն»՝ 3։2 (հիմն․ ժամանակ՝ 2։2)

Ժերար Դեուլոֆեու, 79, 104, Տրոյ Դինի, 90+4, 11մ - Մեթ Դոերթի, 36, Ռաուլ Խիմենես, 62