#Corner. 100 օր մինչեւ Եվրոպայի Մ-19 առաջնության մեկնարկը Երեւանում, Սլավոլյուբ Մուսլինը՝ Հայաստանում

09:09   6 ապրիլի, 2019

NEWS.am Sport-ը ներկայացնում է #Corner Սամվել Սուքիասյանի հետ ֆուտբոլային նախագծի 25-րդ թողարկումը՝ նախորդ օրերին հայկական ֆուտբոլում տեղի ունեցած գլխավոր իրադարձությունների ամփոփմամբ։

Երեւանի Եվրոպայի հրապարակում (Հյուսիսային պողոտա) տրվեց Երեւանում ամռանը կայանալիք Եվրոպայի մինչեւ 19 տարեկանների առաջնության եզրափակիչ մրցաշարի 100 օրվա հետհաշվարկի մեկնարկը։ Արարողությանը մասնակցեցին Հայաստանի ֆուտբոլի ֆեդերացիայի նախագահ Արթուր Վանեցյանն ու Երեւանի քաղաքապետ Հայկ Մարությանը։

#Corner-ը ներկա է եղել միջոցառմանը եւ ծանոթացել երեւանցիների սպասումներին եւ տրամադրությանն այս նշանակալի ֆուտբոլային իրադարձությունից առաջ։

Սամվել Սուքիասյանը զրուցել է Հայաստանի հավաքականի կիսապաշտպան Մարկոս Պիզելիի հետ, որը պատմել է վնասվածքից հետո իր վերականգնողական փուլի ընթացքի եւ խաղադաշտ վերադառնալու ժամկետների մասին։

Տեղի են ունեցել Հայաստանի Բարձրագույն խմբի առաջնության 24-րդ տուրի հանդիպումներն ու Հայաստանի գավաթի խաղարկության կիսաեզրափակիչի առաջին խաղերը։

#Corner-ը ներկայացնում է հայ ֆուտբոլիստների մրցելույթներն արտասահմանում։

Սերբիայի հավաքականի նախկին գլխավոր մարզիչ Սլավոլյուբ Մուսլինն այցելել է Երեւան, ներկա եղել «Արարատ-Արմենիա» - «Ալաշկերտ» գավաթային հանդիպմանը։ Կային ենթադրություններ, որ Մուսլինը բանակցում է Հայաստանի հավաքականը գլխավորելու շուրջ, սակայն Արթուր Վանեցյանը հերքեց դա։

Վերջում էլ զավեշտալի տեսանյութեր արտասահմանից։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։