Մարկոս Պիզելի․ Հույս ունեմ՝ խաղադաշտ վերադառնալ ամռանը
12:25 5 ապրիլի, 2019Հայաստանի ազգային հավաքականի եւ Ղազախստանի «Ակտոբեի» կիսապաշտպան Մարկոս Պիզելին NEWS.am Sport-ի թղթակցի հետ զրույցում պատմել է ապաքինման ընթացքի եւ վերադարձի ժամկետների մասին։
«Վերականգնողական փուլը լավ է անցնում, ես ինձ լավ եմ զգում։ Վիրահատությունից հետո սկսել եմ վերականգնողական մարզումներ, հիմա արդեն անհատական մարզումներ են անցկացնում խաղադաշտում գնդակով։ Հույս ունեմ՝ խաղադաշտ վերադառնալ ամռանը»,- նշել է 34-ամյա ֆուտբոլիստը։
Հիշեցնենք, որ Մարկոս Պիզելին շարունակում է վերականգնվել ծնկի ծանր վնասվածքից, որը նա հոկտեմբերի 16-ին ստացել էր Մակեդոնիայի հավաքականի դեմ ՈւԵՖԱ-ի Ազգերի լիգայի խմբային փուլի չորրորդ տուրի խաղում (4:0):
Ղազախստանի ավարտված առաջնությունում (33 տուր) նա 24 խաղում խփել էր 18 գոլ եւ ճանաչվել մրցաշրջանի լավագույն ֆուտբոլիստ, ռմբարկու ու գոլի հեղինակ: Պիզելին առաջին տեղն էր գրավել նաեւ «գոլ+փոխանցում» հաշվարկով՝ դառնալով 10 գոլային փոխանցման հեղինակ:
Դեկտեմբերին Մարկոսն առաջին անգամ ճանաչվել էր Հայաստանում տարվա լավագույն ֆուտբոլիստ:
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.