Ունաի Էմերին գոհ է Հենրիխ Մխիթարյանից

«Նյուքասլի» դեմ Անգլիայի առաջնության 32-րդ տուրի խաղից հետո Լոնդոնի «Արսենալի» իսպանացի գլխավոր մարզիչ Ունաի Էմերին գովել է Հայաստանի հավաքականի կիսապաշտպան Հենրիխ Մխիթարյանին։

«Մեզ համար կարեւոր է յուրաքանչյուր խաղացող։ «Նյուքասլի» դեմ խաղում ինձ պետք էր Մխիթարյանի 10 րոպե խաղը։ Նա գերազանց կատարեց խնդիրը։

Հաջող խաղացին նաեւ փոխարինման դուրս եկած Էլ Նենին եւ Օբամեյանգը։ Մենք ստեղծում ենք հաղթողի հոգեբանություն ունեցող թիմ»,- Էմերիի խոսքը մեջբերում է ակումբի մամուլի ծառայությունը։

Հիշեցնենք, որ «Արսենալը» «Նյուքասլին» հաղթել է 2։0 հաշվով, Մխիթարյանը փոխարինման է դուրս եկել 84-րդ րոպեին։