Ֆուտբոլի Իսպանիայի առաջնության 29-րդ տուրում Մադրիդի «Ռեալը» սեփական խաղադաշտում 3:2 հաշվով հաղթեց հետնապահ «Ուեսկային»՝ հաղթական գոլը խփելով վերջնամասում (տեսանյութ):
Հյուրերն արագ գոլ խփեցին խաղի սկզբնամասում, իսկ Արքայական ակումբը 25-րդ րոպեին պատասխանեց իսպանացի կիսապաշտպան Իսկոյի դիպուկ հարվածով:
64-րդ րոպեին իսպանացի կիսապաշտպան Դանիել Սեբալյոսը նաեւ առաջ մղեց մադրիդցիներին, բայց 9 րոպե անց «Ուեսկան» հավասարեցրեց հաշիվը: Դաշտի տերերի հաղթական գոլը նախավերջին րոպեին խփեց ֆրանսիացի հարձակվող Քարիմ Բենզեման:
Կադրային խնդիրներով խաղացող «Ռեալի» դարպասը պաշտպանում է թիմի գլխավոր մարզիչի պաշտոնին վերադարձած Զինեդին Զիդանի որդի Էնցո Զիդանը:
«Ռեալը» 57 միավորով երրորդ տեղում է եւ 12 միավոր հետ է առաջատար «Բարսելոնայից»: Երկրորդ տեղում գտնվող Մադրիդի «Աթլետիկոն» ունի 59 միավոր:
Իսպանիայի առաջնություն, 29-րդ տուր
«Ռեալ» - «Ուեսկա»՝ 3:2
Իսկո, 25, Դանիել Սեբալյոս, 65, Քարիմ Բենզեմա, 89 – Չուչո, 3, Խավյեր Էչեյտա, 74
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։