Մրցաշրջանն ավարտված է Լեբրոն Ջեյմսի համար
14:14 31 մարտի, 2019«Լոս Անջելես Լեյքերսի» առաջատար Լեբրոն Ջեյմսը բաց կթողնի Բասկետբոլի ազգային ասոցիացիայի (NBA) կանոնավոր առաջնության վերջին 6 խաղերը, հաղորդում է NBA-ի կայքը:
«Լոս Անջելես Լեյքերսը» նման որոշում է ընդունել, որպեսզի 34-ամյա ամերիկացու համար լավագույն պայմաններ ստեղծի աճուկի վնասվածքից վերականգնվելու համար:
«Լեյքերսի» կազմում առաջին մրցաշրջանում Լեբրոն Ջեյմսի միջին արդյունավետությունը կազմում է 27.4 միավոր: Նա մասնակցել է 55 խաղերի, որոնցում լոսանջելեսցիները տարել են 28 հաղթանակ եւ կրել 27 պարտություն:
Բացի այդ, վերջին 14 տարում առաջին անգամ Լեբրոնը բաց կթողնի NBA-ի փլեյ-օֆֆը: Նախորդ 8 մրցաշրջաններում անընդմեջ նա հասել է մինչեւ եզրափակիչ եւ 4 անգամ դարձել NBA-ի չեմպիոն:
Հիշեցնենք, որ «Լոս Անջելես Լեյքերսը» կորցրել է փլեյ-օֆֆի ուղեգիր նվաճելու շանսերը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։