Մեսին ուշագրավ ցուցանիշներ է գրանցել կատալոնական դերբիում (ֆոտո)

«Բարսելոնայի» արգենտինացի հարձակվող Լիոնել Մեսին, դուբլի հեղինակ դառնալով «Էսպանյոլի» դեմ Իսպանիայի առաջնության 29-րդ տուրի խաղում (2:0), ընթացիկ մրցաշրջանում բոլոր մրցաշարերում գոլերի քանակը հասցրել է 40-ի:

31-ամյա Մեսին կատալոնական ակումբի կազմում 10-րդ մրցաշրջանում անընդմեջ խփում է նվազագույնը 40 գոլ: Նա այդ շարքը սկսել է 2009/10 մրցաշրջանից: Այս ընթացքում արգենտինացի հարձակվողի ամենաարդյունավետ մրցաշրջանը եղել է 2011/12-ին, երբ նա դարձել էր 73 գոլի հեղինակ:

Կատալոնական դերբիում Մեսին 334-րդ հաղթանակը տարավ Իսպանիայի առաջնությունում եւ կրկնեց պորտուգալական «Պորտուի» դարպասապահ Իկեր Կասիլյասի ռեկորդը: 37-ամյա իսպանացին ռեկորդը գրանցել էր Մադրիդի «Ռեալում», որի կազմում խաղացել է 1998-2015 թվականներին: 334 հաղթանակի համար Կասիլյասից պահանջվել է 510 հանդիպում, իսկ Մեսիի՝ 445, հաղորդում է Mundo Deportivo-ն:

«Էսպանյոլի» դեմ խաղն արգենտինացու համար 675-րդն էր «Բարսելոնայի» կազմում: Այդ ցուցանիշով նա շրջանցեց ճապոնական «Վիսել Կոբեի» իսպանացի կիսապաշտպան Անդրես Ինյեստային եւ զիջում է միայն Քաթարի «Ալ Սադում» հանդես եկող Չավիին:

Հիշեցնենք, որ Իսպանիայի ընթացիկ առաջնությունում Մեսին խփել է 31 գոլ եւ միանձնյա գլխավորում է ռմբարկուների ցուցակը:

 Leo #Messi reaches 40 goals for the 10th season in a row! 
2009/10 
2010/11 
2011/12 
2012/13 
2013/14 
2014/15 
2015/16 
2016/17 
2017/18 
2018/19  pic.twitter.com/BbKKnEQ7bJ

— FC Barcelona (@FCBarcelona) March 30, 2019

 ¡Leo #Messi joins @IkerCasillas as the winningest player in @LaLigaEN history! pic.twitter.com/bdy79zYnn3

— FC Barcelona (@FCBarcelona) March 30, 2019