Տիգրան Բարսեղյան. Ծանր հանդիպում էր
23:17 30 մարտի, 2019Հայաստանի հավաքականի հարձակվող Տիգրան Բարսեղյանը «Կայսարի» հետ ֆուտբոլի Ղազախստանի առաջնությունում առաջին հաղթանակը տանելուց հետո կիսվել է տպավորություններով:
«Ծանր հանդիպում էր: Գիեինք, որ մրցակիցը լավ թիմ է եւ մեր պես կրել է 2 պարտություն: Կարծում եմ՝ վճռորոշ խաղ էր: Մրցակիցը եւս ունեցավ շանսեր եւ կարող էինք հաղթել կամ պարտվել: Շնորհակալություն «Իրտիշին», մեր մարզիչին, խաղացողներին, քաղաքին ու երկրպագուներին, որոնք սարի պես մեր թիկունքին կանգնած են: Կարծում եմ՝ սա միայն սկիզբն է»,- Բարսեղյանի խոսքը մեջբերում է «Կայսարի» մամուլի ծառայությունը:
Հիշեցնենք, որ Ղազախստանի առաջնությանը երրորդ տուրում «Կայսարը» նվազագույն հաշվով արտագնա հաղթանակ էր տարել «Իրտիշի» նկատմամբ: Հյուրերը հաղթական գոլը խփել էին ավելացված ժամանակում: Գոլային գրոհին մասնակցել էր Տիգրան Բարսեղյանը, որը մեկնարկային կազմում հանդես էր եկել առանց փոխարինման:
2 պարտություններով մեկնարկելուց հետո «Կայսարն» առաջին հաղթանակն է տարել ընթացիկ առաջնությունում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։