ԵԱ. Սերգեյ Մովսեսյանը տարավ երկրորդ անընդմեջ հաղթանակը եւ կես միավոր է հետ առաջատարից
09:06 29 մարտի, 2019Մակեդոնիայի մայրաքաղաք Սկոպյեում ավարտին մոտեցող շախմատի տղամարդկանց Եվրոպայի անհատական առաջնության նախավերջին՝ 10-րդ տուրում Հայաստանի ներկայացուցիչներից հաղթանակ են տարել Սերգեյ Մովսեսյանը, Հրանտ Մելքումյանը, Մանուէլ Պետրոսյանը եւ Շանթ Սարգսյանը:
Հայկ Մարտիրոսյանը, Ռոբերտ Հովհաննիսյանը եւ Հայաստանի նորընծա չեմպիոն Արման Փաշիկյանը ոչ ոքի են խաղացել, իսկ Սամվել Տեր-Սահակյանը պարտվել է:
Վերջին տուրից առաջ Հայաստանի ներկայացուցիչներից լավագույն արդյունքն ունի Սերգեյ Մովսեսյանը, որը 2 անընդմեջ հաղթանակներից հետո հավաքել է 7.5 միավոր եւ կես միավոր է զիջում միանձնյա առաջատար Վլադիսլավ Արտեմեւին (Ռուսաստան): Վերջին տուրում Մովսեսյանը սպիտակ ֆիգուրներով կխաղա հունգարացի Ֆերենց Բերկեսի հետ:
Եվրոպայի առաջնության գլխավոր մրցավարն է Աշոտ Վարդապետյանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։