Հայաստանի հավաքականի կիսապաշտպան Հենրիխ Մխիթարյանի ապագան Լոնդոնի «Արսենալում» հարցականի տակ է, գրում է mirror-ը:
Անգլիական ակումբը պատրաստ է քննարկել 30-ամյա Մխիթարյանի տրանսֆերի վերաբերյալ առաջարկները, որպեսզի ավելացնի ամառային տրանսֆերների համար նախատեսված բյուջեն: Ավելի վաղ նշվում էր, որ «Արսենալի» գլխավոր մարզիչ Ունաի Էմերին 45 միլիոն ֆունտ ստերլինգ է ստանալու ամառային տրանսֆերների համար:
Հենրիխ Մխիթարյանը նաեւ լոնդոնյան ակումբի ամենաբարձր վարձատրվող ֆուտբոլիստներից է եւ ստանում է շաբաթական 180 հազար ֆունտ ստերլինգ աշխատավարձ:
Հայ կիսապաշտպանը 2018-ի հունվարին «Մանչեսթեր Յունայթեդից» է տեղափոխվել «Արսենալ», որի կազմում մասնակցել է Անգլիայի ընթացիկ առաջնության 18 խաղի, դարձել 6 գոլի ու 4 գոլային փոխանցման հեղինակ: Մխիթարյանի գործող պայմանագիրը նախատեսված է մինչեւ 2021-ի ամառ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։