Ֆուտբոլի Չեռնոգորիայի հավաքականի երկրպագուները անգլիացիների դեմ Եվրո-2020-ի ընտրական փուլի երկրորդ տուրի հանդիպման ժամանակ ռասիստական բնույթի վիրավորանքներ են հնչեցրել մրցակցի ֆուտբոլիստների հասցեին: Անգլիայի հավաքականի գլխավոր մարզիչ Գարեթ Սաութգեյթը պատմել է, որ այդ կապակցությամբ անգլիացիները դիմելու են ՈւԵՖԱ-ին:
«Ես վիրավորական արտահայտություններ եմ լսել Դերիկ Ռոուզի հասցեին, երբ նա դեղին քարտ ստացավ խաղի վերջնամասում: Ոչ մի կասկած չունեմ տեղի ունեցած վերաբերյալ, եւ մենք անպայման այդ մասին կտեղեկացնենք ՈւԵՖԱ-ին: Այդպիսի արարքներն անթույլատրելի են:
Վստահ չեմ, որ Ստերլինգի հասցեին եւս հնչել են այդպիսի վիրավորանքներ: Ես գիտեմ, թե ինչ եմ լսել: Մենք անպայման կզբաղվենք այդ հարցով եւ կաջակցենք մեր ֆուտբոլիստներին»,- Սաութգեյթի խոսքը մեջբերում BBC-ն:
Հիշեցնենք, որ Չեռնոգորիայի մայրաքաղաք Պոդգորիացյում կայացած խաղում Անգլիայի հավաքականը հաղթել էր 5:1 հաշվով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։