Սասուն Միքայելյանը հավակնում է ՀԹՖ-ում Մանվել Գրիգորյանի պաշտոնին (LIVE)
17:34 25 մարտի, 2019Սասուն Միքայելյանը հավակնում է Մանվել Գրիգորյանի պաշտոնին․ ըստ NEWS.am Sport-ի թղթակցի տեղեկությունների, Հայաստանի թաեքվոնդոյի ֆեդերացիայի ղեկավարությունը մտադիր է ԱԺ պատգամավոր Սասուն Միքայելյանին առաջարկել ֆեդերացիայի պատվավոր նախագահի պաշտոնը:
Մարտի 25-ին Երկրապահ կամավորականների միության շենքում կայացավ ֆեդերցիայի ոչ պաշտոնական ժողովը, որին մասնակցում էր Սասուն Միքայելյանը, Հայաստանի սպորտի փոխնախարար Գեւորգ Լոռեցյանը, Ֆեդերացիայի գործող ղեկավարությունն ի դեմս փոխնախագահ Վարդան Ղահրամանյանի եւ ֆեդերացիայի ղեկավարությունից դժգոհող մարզիչներն ու թաեքվոնդոյի ներկայացուցիչները:
Ըստ NEWS.am Sport-ի տեղեկության, այս ժողովի ընթացքում նախատեսվում էր ֆեդերացիայի ղեկավարության կողմից ԱԺ պատգամավոր Սասուն Միքայելյանին առաջարկել պատվավոր նախագահի պաշտոնը, սակայն ժողովի մասնակիցների միջեւ թեժ բանավեճ սկսվեց, եւ Սասուն Միքայելյանն ու Գեւորգ Լոռեցյանը ստիպված եղան դադարեցնել հանդիպումը:
Այդ ընթացքում ժողովի մասնակիցները խոչընդոտեցին նաեւ NEWS.am Sport-ի թղթակցի լուսաբանումը:
«Հանդիպումը ոչ պաշտոնական է, եւ Սասուն Միքայելյանը միայն որպես բարի կամք, ցանկանում է մեկ հարկի տակ համախմբել թաեքվոնդոիստներին: Որեւէ այլ առնչություն պատգամավորը չունի ֆեդերացիայի հետ»,- ասաց Գեւորգ Լոռեցյանը:
Ժողովի օրակարգում առաջիկայում տեղի ունենալիք նախագահի ընրությունների ձեւաչափի որոշումն էր, սակայն ձեւաչափն այդպես էլ չընտրվեց, քանի որ հակառակ կողմերը չէին կարողանում տիրապետել իրենց հույզերին՝ միմյանց հասցեին մեղադրանքներ ներկայացնելով:
Նշենք, որ ԱԺ պատգամավոր Սասուն Միքայելյանը NEWS.am Sport-ի տեղեկություններով ապրիլի 8-ին ընտրվելու է Երկրապահ կամավորականների միության նախագահ:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.