Ռակիտիչ․ Շնորհակալ եմ Մոուրինյոյին գնահատականի համար

«Բարսելոնայի» եւ Խորվաթիայի հավաքականի կիսապաշտպան Իվան Ռակիտիչը շնորհակալություն է հայտնել «Պորտուի», «Չելսիի», «Ինտերի», «Ռեալի», «Մանչեսթեր Յունայթեդի» նախկին գլխավոր մարզիչ Ժոզե Մոուրինյոյին, որը նրան որակել էր «աշխարհի ամենաչգնահատված ֆուտբոլիստներից մեկը»։

«Ես շնորհակալ եմ Մոուրինյոյին այդպիսի խոսքերի համար, նա աշխարհի լավագույն փորձագետներից մեկն է։ Չգիտեմ՝ հայրս երբեւէ ինձ այդպիսի բան ասել է, թե ոչ։ Շատ հաճելի է լսել։ Հույս ունեմ, որ Մոուրինյոն շուտով կվերադառնա մարզչական աշխատանքի»,- Ռակիտիչի խոսքը մեջբերում է AS-ը։

Մարտի 24-ին Խորվաթիայի հավաքականը Եվրոպայի առաջնության ընտրական մրցաշարում կխաղա Հունգարիայի թիմի հետ։