Ֆուտբոլի Հայաստանի ազգային հավաքականը Երեւան մեկնելուց առաջ վերականգնողական մարզում կանցկացնի Բոսնիա-Հերցեգովինայի մայրաքաղաք Սարաեւոյում, փոխանցում է NEWS.am Sport-ի թղթակիցը:
Հայաստանի հավաքականի գլխավոր մարզիչ Արմեն Գյուլբուդաղյանցի որոշմամբ, մարտի 24-ի առավոտյան հայ ֆուտբոլիստները կմարզվեն Սարաեւոյում եւ հետո նոր կվերադառնան հայրենիք: Այդ մարզման անցկացման վերաբերյալ որոշում կայացվել է Բոսնիա-Հերցեգովինա մեկնելուց հետո:
Հայաստանի հավաքականը Սարաեւոյից չարտերային չվերթով Հայաստան կմեկնի մարտի 24-ին՝ Երեւանի ժամանակով 16:00-ին:
Մարտի 25-ին Հայաստանի հավաքականը կանցկացնի նախախաղային մարզում՝ պատրաստվելով Ֆինլանդիայի թիմի դեմ Եվրո-2020-ի ընտրական փուլի երկրորդ տուրի հանդիպմանը, որը տեղի կունենա մարտի 26-ին Երեւանի «Հանրապետական» ստադիոնում:
Հիշեցնենք, որ նախօրեին Հայաստանի հավաքականը Եվրո-2020-ի ընտրական փուլի J խմբի առաջին տուրում 1:2 հաշվով պարտվեց Բոսնիա-Հերցեգովինայի թիմին: Սարաեւոյի «Գրբավիցա» ստադիոնում կայացած հանդիպման հաշիվն ավելացրած ժամանակում կրճատել էր Լոնդոնի «Արսենալի» կիսապաշտպան Հենրիխ Մխիթարյանը, որն անվրեպ իրացրեց 11 մետրանոց հարվածը:
Դավիթ Եղիազարյան՝ Սարաեւոյից
NEWS.am Sport-ը լուսաբանումն իրականացնում է UCOM-ի աջակցությամբ
Ֆոտո՝ ՀՖՖ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։