Դոհայում ավարտին մոտեցող սպորտային մարմնամսրզության աշխարհի գավաթի խաղարկությունում մարտի 23-ին Հայաստանը նվաճեց եւս մեկ մեդալ: Հակոբ Սերոբյանի գլխավորած թիմից Արթուր Դավթյանը բրոնզե մեդալ է նվաճել հեացակտի վարժությունում: Հայաստանի ներկայացուցիչը 14, 695 միավոր է վաստակել:
NEWS.am Sport-ի թղթակցի հետ զրույցում Հակոբ Սերոբյանը նշել էր, որ Արթուր Դավթյանի մասնակցությունը հարցականի տակ էր, քանի որ մարզիկը որակավորման փուլում ձգել էր ոտքի մկանը:
Աշխարհի գավաթի հերթական փուլում Հայաստանի 4 ներկայացուցիչներից մեդալ չնվաճեց միայն Եվրոպայի նախկին չեմպիոն Հարություն Մերդինյանը: Մարտի 22-ին մեդալակիրներ էին դարձել Արթուր Թովմասյանը եւ Վահագն Դավթյանը: Հակոբ Սերոբյանի գլխավորած թիմ Հայաստան վերադառնալուն պես կմեկնի Թբիլիսի մեծ կազմով՝ ուսումնամարզական հավաքի:
Թբիլիսյան հավաքին կհաջորդի սպորտային մարմնամարզության Եվրոպայի առաջնությունը Լեհաստանում, որտեղ հանդես կգան Հարություն Մերդինյանը, Արթուր Դավթյանը, Արթուր Թովմասյանը,Վահագն Դավթյանը, Վիգեն Խաչատրյանն ու Արթուր Ավետիսյանը: Եվրոպայի առաջնությունը վարկանիշային է Եվրոպական խաղերի համար:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։