«Մանչեսթեր Յունայթեդն» ու Խուան Մատան համաձայնության չեն հասել պայմանագրի երկարաձգման վերաբերյալ։ Անգլիական ակումբը 30-ամյա կիսապաշտպանին առաջարկել է մեկ տարվա պայմանագիր, սակայն իսպանացի ֆուտբոլիստը ցանկանում է կնքել ավելի երկարամյա պայմանագիր եւ ակնկալում է աշխատավարձի բարձրացում, գրում է telegraph.co.uk-ը։
Խուան Մատայի գործող պայմանագիրը նախատեսված է մինչեւ հունիսի 30-ը։ Ազատ գործակալի կարգավիճակում նրան ձեռք բերելու ցանկություն ունի Լոնդոնի «Արսենալը»։
Անգլիայի ընթացիկ առաջնությունում Մատան մասնակցել է 18 հանդիպման եւ խփել է 2 գոլ, կատարել 3 գոլային փոխանցում։
Մատան 2014-ին «Չելսիից» է տեղափոխվել «Մանչեսթեր Յունայթեդ»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։