ՈւԵՖԱ-ն մեղադրանք է ներկայացրել է ֆրանսիական ՊՍԺ-ի բրազիլացի հարձակվող Նեյմարի դեմ Չեմպիոնների լիգայի 1/8 եզրափակիչի պատասխան խաղից հետո մրցավարներին անպատվելու համար, հաղորդում է ՈւԵՖԱ-ի պաշտոնական կայքը։ ՊՍԺ-ն 1։3 հաշվով պարտվել էր անգլիական «Մանչեսթեր Յունայթեդին» եւ դուրս մնացել պայքարից։
Խաղից հետո Նեյմարը Ինստագրամում անպատվել էր մրցավարներին վերջնամասում նշանակած 11 մետրանոցի համար։ 27-ամյա ֆուտբոլիստը չէր մասնակցում այդ հանդիպմանը։ Նա վերականգնվում է ոտնաթաթի կոտրվածքից հետո։
Գործը կքննի ՈւԵՖԱ-ի կարգապահական եւ էթիկայի մարմինները։ Նեյմարին սպառնում է որակազրկում երեք խաղով։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։