ՈւԵՖԱ-ն տուգանեց Ռոնալդուին

Թուրինի «Յուվենտուսի» պորտուգալացի հարձակվող Կրիշտիանու Ռոնալդուն խուսափեց որակազրկումից Մադրիդի «Աթլետիկոյի» դեմ Չեմպիոնների լիգայի 1/8 եզրափակիչի պատասխան խաղում թույլ տված անպարկեշտ ժեստի համար, հաղորդում է Sport Mediaset-ը։ Ռոնալդուն տուգանվել է 20 հազար եվրոյով։ Նրա օրական վարձատրությունը 86 հազար եվրո է։

Այդ խաղում «Յուվենտուսը» հաղթել էր 3։0 հաշվով Ռոնալդուի հեթ-տրիկի շնորհիվ եւ դուրս եկել քառորդ եզրափակիչ։ 

Ֆուտբոլիստը կրկնել էր առաջին խաղում իսպանական ակումբի գլխավոր մարզիչ Դիեգո Սիմեոնեի ժեստը, որի համար արգենտինացի մասնագետը տուգանվել էր 20 հազար եվրոյով։