Անդրեյ Տալալաեւը՝ Հայաստանում օտարերկրացի խաղացողների քանակի սահմանափակման մասին
18:09 20 մարտի, 2019Օտարերկրացի խաղացողների քանակի արհեստական սահմանափակումը կգցի Հայաստանի առաջնության մակարդակը, ասել է Երեւանի «Փյունիկի» ռուսաստանցի գլխավոր մարզիչ Անդրեյ Տալալաեւը sport24.ru-ի հետ զրույցում։
«Բոլորը նշում են, որ անցած տարվա համեմատ Հայաստանի առաջնությունում առաջընթացը հսկայական է։ Դա այն բանի շնորհիվ է, որ եկել են բարձրակարգ օտարերկրացի խաղացողներ, եւ հայ ֆուտբոլիստները կազմում տեղ ունենալու եւ մրցունակ լինելու համար ստիպված են մեծացնել պահանջկոտությունը սեփական անձի նկատմամբ։
Սահմանափակում պետք է, որպեսզի աբսուրդի չհասնի, բայց դա պետք է լինի մտածված որոշում։ Կարծում եմ՝ այն պետք է սահմանափակի ոչ թե օտարերկրացի խաղացողների քանակը խաղադաշտում, այլ՝ հայտացուցակում»,- ասել է Տալալաեւը։
Հիշեցնենք, որ «Փյունիկը» Տալալաեւ ղեկավարությամբ դարձավ առաջին հայկական ակումբը, որը կարողացավ դուրս գալ եվրագավաթային մրցաշարի երրորդ փուլ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։